ليكواله:- انيسه جان
ژباړن :- جان محمد صالح / كندهار

ښځه د ټولنې ډېوه ده

ښځه په كورنۍ كې يو ډېر مهم او عمده رول لري . يعني د كورنۍ نظم او اداره، د ماشومانو سالمه روزنه او د كورنۍ څخه بهر د خپلې ټولنې لپاره خدمت كوي د ښځي بنسټيزې دندې جوړوي . په كور او كورنۍ كې د نظم اصلاح راوستل هم د ښځي له دندو څخه شمېرل كېږي ، كه چېرې په كورنۍ كې ښځه چې د يوې كورنۍ ضروري غړى بلل كېږي موجوده نه وي په اصل كې نوموړې كورنۍ يا كر هيڅ ډول نظم او اداره نه لري نو ځكه ورته كورنۍ ويلاى شو.
ښځه د كورنۍ عمده تشكيلونكې ، كنترولونكې او د سمون د چارو او د امتياز څښتنه ده . په عمومي ډول و يلاى شو چې د ماشومانو روزنه د ښځې دنده ده البته همدارنګه ښځه ده چې د سالمې او غير سالمې روزنې درلودونكي ماشومان ټولنې ته وړاندې كوي . افغان مېرمنې د نورې نړۍ د مېرمنو په پرتله ډېر مسووليتونه لري .
په عمومي ډول زموږ د ټولنې زيات شمېر ښځې بدبختانه د لوى څښتن (جل جلالهُ ) د لوى نعمت څه چې هغه پوهه ده بې برخې او پاته دي خو ډېر او د وياړ ځاى دا دى چې دوى له دې سره سره چې پوهه نه لري د خپلو ماشومانو په سالمه روزنه كې يې د يادونې وړ هڅه كړې ده او تر خپله وسته يې د زده كړې په لاسته راوړلو كې كوښښ كړى . دا په دې هيله چې له يوې خوا ماشومان د زده كړي څه بې برخې پاته نشي او له بلې خوا د خپل هېواد او ټولنې لپاره د خدمت مصدر وګرځي.
كه چېرې موږ افغاني ټولنه د غير افغاني ټولنې سره پرتله كړو نو ليدل كېږي چې زموږ د ټولنې د ماشومانو شمېر د غير افغاني ټولنو د ماشومانو د شمېر په پرتله ډېر دى خو د همدې لوى ستونځي سره سره افغان ميرمنو تل خپل ماشومان د سالمې روزنې په فضا كې ساتلي او خپلې ټولنې ته يې د خدمت لپاره وړاندې كړي دي ، البته ددوى دا كار د ډېرې ستانې وړ بللاى شو . بله ډېره مهمه او ارزښتناكه دنده د يوې ښځي لپاره دا ده چي له خپلي كورنۍ څخه بهر خپلي ټولنې ته خدمت وكړي ،يعني كوم مسوْليت او دنده چي دوى يې د خپلي كورنۍ په وړاندې لري همدا مسووليت له خپلې ټولنې په وړاندې هم لري ، ځكه بايدخپلې ټولنې ته خدمت وكړي . مېرمنې بايد د بېلابېلو دندو په څنګ كې ډاكټرانې ، د ډاكټر مرستيالانې ، انجنيرانې او د نورو دولتي او غير دولتي دند د پر ځاى مهارت ولري ځكه په كوم ارګان كې چې نارينه طبقي ته اړتيا شته په همغه اندازه ښځو ته هم دا اړتيا ليدل كېږي .
په پاى كې بايد ووايو چې ښځه د ټولنې ډېوه ده