افغانستان ته د اروپايي ټولنې خاص استازي فرانسس وينډرل د محمد ظاهر شاه په مړينه خواشيني وښوده او زياته يې کړه چې نوموړي ټول عمر د خپل هېواد په خدمت کې تېرکړ . وينډرل وويل : زه د اروپايي ټولنې په استازيتوب، د افغانستان دولت او خلکو ته د ملت د بابا په مړينه تسليت ورکوم . وينډرل، ډاډ ورکړ چې د ملت د بابا مړينه به د افغانستان او اروپايي ټولنې په اړيکو هيڅ منفي اغېز ونه لري . د ملت بابا محمد ظاهر شاه په کابل کې د 92 کلونو په عمر له نړۍ څخه سترګې پټې کړې . ظاهر شاه په ١٣١٢ کې د خپل پلار محمد نادرخان له وژل کېدو وروسته په تخت کېناست او په ١٣٥٢ کال کې د محمد داود خان له خوا د يوې کودتاه په ترڅ کې له تخته کوز او د هغه څلويښت کلنې شاهۍ دورې ټغر د تل لپاره ټول شو .
