لودين
په ارزګان ولايت کي په زرګونو تنو لاريون وکړ او په ترينکوټ کي د امنيه قوماندانى پر ودانۍ د ډبرو وارونه وکړه .
د لاريون برخه وال وايي چي تيره شپه بهرنيانو د ترينکوټ اړوند په مراباد کي د ملکي خلکو په کورنو کي عمليات کړي کله چي ديوه کور ښځو ورته قران کريم راايستلي دي او ورته ويلي يي ده چي د دغه قران شريف په روي سره مو مه ځوروي خو بهرنيانو قران شريف په برچو وهلي ، څيرلي او سپکاوي يي ورته کړي دي
د ارزګان امنيه قوماندان جنرال جمعه ګل همت وايي چي لاريون کوونکي تر زرو تنو زيات وه او سخت غوڅه سوي وه چي د امنيه قوماندانۍ پر پوليسو يي د ډبرو ګذارونه کړي او ٧ تنه پوليس يي ټپيان کړي هم دي . چي وروسته پوليسو د لاريون کوونکو د ويرولو په موخه هوايي ډزي وکړي خو چا ته پکښي زيان نه دي رسيدلي .
لاريون دا مهال پاي ته رسيدلي دي او ټول لاريون کوونکي د ترينکوټ په مسجد جامع کي د والي له لوري د ټاکل سوي پلاوي سره په خبرو بوخت دي .
