مرسته     |     دپاڼي نقشه     |     ننوتل
Rahat Gas
دخپریدو نیټه : 2017-08-16   مخپرونکئ : 039 - دبېنوا اداره - کابل

په لوګر کې په ۲۰۰ سيلاب ځپلو کورنيو د عيرې خوراکي توکيو مرسته وويشل شوه .

شفيع شاکر

د لوګر ولايت د کليو د بيارغونې او پراختيا رياست له لورې د ياد ولايت د خوښۍ ، ازرې ، چرخ او محمداغې ولسواليو په (۲۰۰) دوه سوه سيلاب ځپلو کورنيو د عيرې خوراکي توکو مرسته وويشل شوه .
د لوګر ولايت د کليو د بيارغونې او پراختيا ريس انجينر عاشق الله اخلاصيار د مرستې د ويش پر مهال وويل چې ، په دې مرسته کې د ۳۰۰۰۰۰ درې لکه افغانيو په ارزښت ۲۰ خيمې ، د ۴۰۰۰۰۰ څلور لکه افغانيو په ارزښت ۸۰۰ اته سوه کمپلې او د ۱۰۰۰۰۰ يو لک افغانيو په ارزښت ۲۰۰ ترپالونه شامل دي .
اخلاصيار زياته کړه چې ، مستحقو کسانو ته د مرستې په موخه يې ، تر دې وړاندې سروي ترسره کړې وه ، چې په پايله کې يې مستحقې کورنۍ په ګوته شوې او ياده مرسته ورته توزيع شوه .
نوموړي وويل چې ، د لوګر د کليو د بيا رغونې او پراختيا رياست د طبعي پيښو د رامنځ ته کيدو پر وخت له خلکو سره د مرستې لپاره پوره چمتوالی لري او په راتلونکې کې به هم همدې لړۍ ته دوام ورکړي .
پاتې دې نه وي ، چې دا څوم ځل دی ، چې د لوګر د کليو د بيا رغونې او پراختيا رياست لخوا  په سيلاب ځپلو او اړمنو کسانو مرسته ويشل کيږي
spozmai radio mainport ipower
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery