نه منم خیالي عدن
چې جوړ کړي نن حزن
زخمې کړي زما وطن
سوځولی زما چمن
په هستي کې شوم نیستمن
چې پرهر مې بدن
په سینه په ځنکدن
توان نه شته د کفن
جوړ ګلشن مې شو مدفن
چې ملا شو اهریمن
تل اغیارو ته ژمن
د ښایست سره دشمن
لور په لاس ریبي سمن
زه منم باغ عدن
چې تبعیض نه وی د زن
هر خوا باغ وی او ګلشن
چوڼي باغ کې وی ډادمن
خپلواکي وی او اتن
چې هر څوک یې وي پتمن
په کې نه وی ته او من
انساني خوی وي واکمن
ژوند وي ستوري د یمن
چې باغبان یې وي هوډمن
مشکو بوی وي د خُتن
نه زاغان وي نه رهزن
د نصرت زړه وي ښادمن
۱۹.۱۱.۲۰۱۹
وایله
دنمارک
